هاواستان کندینه گاز گلجَکدی

زمانه   بیزیلن  ساز   گلجَکدی

هاواستان کندینه گاز گلجَکدی

گازین پولی نفتدَن آز گلجَکدی

 

حقیقت  اولوبدی بیزه آشکار

مسئوللارا   ایلیَریک   افتخار

 

شورالار   دهیاری    ائتدیلر   همّت

یاخشی انسانلاری چکمَسین ذلّلت

گازین قدرین بیلون نعمتدی،نعمت

 

یاشاسینلار فرماندار  و   بخشدار

مسئوللارا    ایلیَریک       افتخار

 

شُکر آللّها بیزه گلدی خوش  خبر

وحدت هاردا اولسا سؤزده وار اثر

اؤزرلیک لازیمدور دَگمَسین   نظر

 

دُعادَن اؤنودماق هر  لیل و نهار

مسئوللّارا   ایلیَریک      افتخار

 

عارف اولان گؤرئر یئرینده ایشی

وئریلن هدیَنین چوخدور ارزشی

گرَک خوشحال اولسون هر آرواد کیشی

 

ایشیقلانار گئجه قالمویاجاق تار

مسئوللارا     ایلیَریک     افتخار

 

بَه بَه    صد    آفرین  بئله  همَّته

هر   کتده،شَهَرده   اولان  وحدَتَه

گرَکدور شُکر ائدَک هر  بیر نعمَته

 

بُو سؤز حقیقتدور فرض ائتمَه شُعار

مسئوللارا      ایلیَریک         افتخار

 

آلله عؤمؤر وئرسین بیزیم دولته

هر نوعیلن خدمته ائدیر میللته

ارزش قویور دانیشدیقون صُحبَته

 

اکیلن نهاللار گتیروبدی بار

مسئوللارا ایلیَریک افتخار

 

صادقی کندینین اوجالتدی باشین

شورای شهریده  ائتدی   تلاشین

الحق  صادقانه   گؤروردی ایشین

 

نایب رئیسیدی اؤزی با وقار

مسئوللارا  ایلیَریک  افتخار

 

تشکر   ایلَریک   مسئول    گازدان

کندین اهلین   قورتاراجاق نیازدان

گازی چکمَک کئشمیَجک بو یازدان

 

یقیندی بیزیلن قویاجاق قرار

مسئوللارا   ایلیَریک   افتخار

 

اؤرکدَه     آرزیلار ا  ولوبدی   دَنیز

عشقیلن وطنه   فخر ائدَریک بیز

بُوندان آباد اولسون گؤزل کندیمیز

 

گلستانا دؤنسون بؤتؤن  بُو  دیار

مسئوللارا      ایلیَریک    افتخار

 

گؤزل ایران آذربایجان  وار  اولسون

وطنیمین دشمنلری خوار اولسون

دؤزگؤن انسانلارا آلله یار  اولسون

 

«شیرزاده»حقّی یاز بئتسین آرزیلار

مسئوللارا      ایلیَریک         افتخار

 

ائل شاعیری« علی شیرزاده »هاواستانلی