آچئق گؤزون دُنیاسی ســان معلّم

اوشاقلاری یوخوسونــدان اویادان

گلَجَگین   دُنیاســـــی ســـان  معلّم

شاگرد زینه وئرَن بیر بُولاق اولسا

علمین جوشان دریاسی سـان معلّم

مدرســـه دَه هــر زحمته دؤزوسن

انسانلارین اؤره یئنین سـؤزوسن

ادب مکتبنین باخـــار گـؤزوســن

آچیق گؤزون دُنیاسی ســـان معلّم

چئراغ اولوب  قارانلیقدا یانـــی سان

علم  إیـــوینده  معرفتین کانـــی سان

قلمین ، دفترین سانکی جانـــی سان

اؤرگتمَیئن  شــــیداسی سان  معلّم

قَـــلم بیزیم الیمیزین اســــاســــی

آنـــا دیلیم تـُؤرک اولانین دُنیاسی

«شیرزاده»نین آتاسی سان،آناسی

ســـؤزلریمین معناسی ســان معلّم