مندن اؤز دوندَریب آغلادی گیتدی

نـَــه دئدیم کی یارین خـَئطرینه دَگدی

مندن اؤز دوندریب آغـــلادی گیتدی

تـــــَزَلـــه دی منیم کـــؤهنه  دردیمی

اود  ویردی سینه می داغلادی گیتدی

گــؤزوم ساتاشانـــدا ،آلا گؤزونــه

بــُو جانیمی قوربان دئدیم اؤزونـه

چاغیراندا جان دئیَردیم ســـؤزونه

جان دئدگیم دیلی ،باغلادی گیتدی

گـؤزلـــــرین گؤناهی باخیشیندادی

گـؤزل گؤزونده وار باخیشین دادی

لــّذتــی     گیله نین  آخیشینــدا دی

بـُولود کیمی دولوب آغلادی گیتدی

آلنیمین     یازیسی  پـُــــوزولمازیمیش

اودا     یانمینجا  کــــؤز   اولمازیمیش

سئوگی آراسیندا ســــــؤز اولمازیمیش

(شیرزاده نین)دردین چاغلادی گیتدی

                   علی شــیرزاده