آیریلیق اولماسین ایشی داغلارین

بولودلار اویناغی ، دومان یاتاغی

بَنادن   بیلینمیر یاشی   داغلارین

آخــار سینه سیندن سرین بولاقلار

چکلیب گــؤیلره باشی داغلارین

یاشیل  چمنلــری ، گزیـر ائللری

هـر یانی بَزئیوب گــؤزل گللری

سحر،آخشام سازاغ اَسن یئللری

قیزیلدی تورپاغی داشی داغلارین

ایللر بُـــویی  قالان باشیندا  قاری

ائل ایچینده آرتیب  اونـــون وقاری

یــوردوما  گتیرن  گللی   باهاری

نرگیزدی،لاله دی دؤشی داغلارین

عؤمؤر سونا چاتماز چیخارام یازا

کؤنلوم  قاناد چالیب  گلر  پروازا

دردیمی دئیَـــــرم  صدفلی  سازا

یاشاسین قارتالی، قوشی داغلارین

طبیعتی گـــــؤردوم غمیم  آزالدی

خیالیم ایلیشدی ،  داغلاردا قالدی

«شیرزاده نی»فلک قوربته سالدی

آیریلیق اولماسین  ایشی داغلارین

  * علی شیرزاده،هاواستانلی *