تبریک عید سعید قربان ( قـُربان بایــرامنیز مبارک اولسون )

معبودین إیوین گؤرمگه چون ایتسون اراده

عشق اولسا  گئدرسن بـــو یولی سنده پیاده

هــــر   کس  یئتیشر  مقصدینه   کوه مناده

قـُربانگهَ   باخ   عشقیله قـُــربانـــی کسیللر

اؤز عاشقینی   گـؤرمگه هـَـــر آن  تَلسیللر

هر یولدا گیدیرسن ،یولی گیت آللها خاطر

قـُربانیوی کس ، ســنده خلیل  اللها خاطر

چوخدور صَوابــی اولسا ذبیح اللها خاطر

آلله اؤزی قرآنـــدا   بیزه   گؤندَریب  آیه

امکانون اولانـــدا   کمک  ایله   فقرایــَه

خیر ایشلره  بانـی اولاسان  ارزشی  چوخدور

هـر کسده کی دنیا مالی وار  قارنیدا   توخدور

یوخسول گؤزی اللرده قالیب چارَه سی یوخدور

( شیرزاده ) دوتان اولسا  اگر  السیز، الیندن

راضی  اولاجـاق  آلله   اؤزی   خیر عملیندن

             علی شیرزاده    1/7/94