در مقام و منزلت شُهدای جبهه های کربلای ایران و تجلیل از شهدای روستای شهید پرور خوبستان(هاواستان)

                               (  به آهنگ ای قَلم  )

در مقام و منزلت شُهدای کربلای ایران و تجلیل از شُهدای شَهید پرور 

                     روستای خوبستان(هاواستان)

**********************

جبهه دَه  توپراقا   آخدی قانـــلار

چون شَهید اولدی رعنا جوانـلار

**********************

ای قلم   یاز  شَهید  خدانی

  یاده سال اوُل شَه  کربَلانی

کربـــَلاده    اولان     نینوانی

هم حسینیله دشت و بلانی

 

 جبهه دَه توپراقا  آخدی   قانلار

چون شَهید اولدی رعنا جوانلار

 

بیز چاقیروق سنی داده مَهدی

ویرگیلن سس بُو فریاده مَهدی

ظلم ـآرتوبــــدی دنیاده مَهدی

 تعجیل ایله گل امداده مَهدی

 

جبهه دَه قانه باتدی جوانلار

دین یولوندا فدا اولدی جانلار

 

حمله نین چون گلردی نداسی

مَهدی   سنگرلـــرین آشناسی

باشلانوب کربــلا   ماجـــَراسی

جانلار اولسون حسینین فداسی

 

حمله دَه   اودلانوب آشیانلار

دوشدی توپراقه پیر و جوانلار

 

گؤز یولا تیکموشم گلسون عباس

بیر منیله دئسون گؤلسون عباس

بُو اؤرک نیسگلین بیلسون عباس

گؤزلریمین یاشین سیلسین عباس

 

توپراقی لاله گون ائتدی قانلار

آغلادی جمله هفت آسمانلار

 

چون رفیع ایشدی جام شهادت

تاپــــدی  رضوانه راه   سعادت

یاحسین سر نهم من به  پایت

ای خدا جان دهم   بر   رضایت

 

مرحبا   سسلنوب   قُدسیانلار

چون شَهید اولدی رعنا جوانلار

 

سندَه«شیرزاده»محزون دولاندون

هــــر شَهیدین   فراقینده  یاندون

یئرمی سکّیز آی اوردا   دایاندون

یاندی هر کس اودا سنده یاندون

 

گیشدی افسوس اولا خوش زمانلار

گیتدی الدن    گــــؤزل      قهرمانلار

                           *شاعـــر:علی شیرزاده،هاواستانلی*