هاردا قالوب ریــــزعلی فداکار....سمنانین چؤلونده اودلاندی قطار

هاردا   قالوب  ریــــزعلی  فداکار

سمنانین چؤلونده اودلاندی قطار

-----------------------------------

بیلمورم کیم آتدی آیریلیق داشین

یئنی دَن آخیتدی گؤزلرین یاشین

ایشچیلر دقّتیله گؤرمَدی   ایشین

هارایلارام یوخدی سَسَ وئرن سَسَه

قاطاردا    یارانـــدی  بؤیوک     حادثه

گؤناهسیزلار   اؤلدی قوربت   دیاردا

اؤرَک   درده   گلوب جان  آه  و  زاردا

عادل حؤکم   ایلیَن   بیلمورم هاردا

بو   درده    قوروماز  گؤزلرین   نَمی

آذربایجان نئجه چکسین بُو   غمی

ازلدَن   اودلارا    یانـــدی   بو   دیار

ایشیقلی گؤندوزلر بیزه   اولدی تار

گؤن قالماز   بولوددا   اولار   آشکار

حادثــه لــــــر   دالبادالا    دؤزولدی

بُو ماتمده گؤز یاشیمیز سؤزولدی

قــَلم گرک حاقسیز سؤزی یازمویا

هـــــَر گلَنَه درین  قویی     قازمویا

اینسان اولان دؤز   یولوندان آزمویا

«شیرزاده»چتیندی بُو آغیر محنت

آذربایجانیما   اولسون     تـَسلیَت

شعر:علی شیرزاده،هاواستانلی