سلام
نئچه آیدان سونرا تزهدن فورصت الدیم عزیز باجیمین بایاتیلار وئبلاقینا باش وروپ یولداشلاری یوخلویام. درس باشیمی قاریشدیرمیشدیر فوصت تاپبیردیم که بایاتی یئغیشدیریپ یازام. نوروز بایرامی باهانا اولدور که من بیرده عزیز دوستلاری یاد ادیپ بیر نئچه خط قرلدم. اوغورلو بایرامینیز اولسون یاشیاسینیز.
یئنی ائلینیز اوغورلو اولسون.
عاشیق گلیر سازی وار،
غمزه سی وار نازی وار،
هر باهارین بیر قیشی،
هر قیشین بیر یازی وار.
بایرامیدی ، گئجه قوشی اوخوردی
آداخلی قیز ، بیگ جورابی توخوردی
هرکس شالین بیر باجادان سوخوردی
آی نه گؤزل قایدادی شال ساللاماق !
بیگ شالینا بایراملیغین باغلاماق !
(شهریار)
بایرام اولوب ، قیزیل پالچیق اَزَللر
ناققیش ووروب ، اوتاقلاری بَزَللر
طاخچالارا دوزمه لری دوزللر
قیز-گلینین فندقچاسی ، حناسی
هَوَسله نر آناسی ، قایناناسی
(شهریار)
نوروز علی خرمنده وَل سورردی
گاهدان یئنوب ، کولشلری کورردی
داغدان دا بیر چوبان ایتی هورردی
اوندا ، گؤردن ، اولاخ ایاخ ساخلادی
داغا باخیب ، قولاخلارین شاخلادی
باکی چی نین سؤزی ، سووی ، کاغیذی
اینکلرین بولاماسی ، آغوزی
چرشنبه نین گیردکانی ، مویزی
قیزلار دییه ر : « آتیل ماتیل چرشنبه
آینا تکین بختیم آچیل چرشنبه »
+ نوشته شده در چهارشنبه بیست و نهم اسفند 1386ساعت 11:9 قبل از ظهر توسط اولدوز | 16 نظر
آرازین سوروشدوقو
سلام
آراز سوروشموشدور: دوغرودان امام زمانین مین نئچه یاشی اولماغینا اینانیرسیزمی؟
بو سوالا جاواب وئرمقی لازئم بیلدیم. سیز منظورونوز بودور که بیر آدامین مین یاش اولماقی ماحالدیر! دوزدور؟ اگر بیر آدام نوخوشلاماسا اؤلمس. آللاه دا بو قودرت یوخدور که نوخوشلوقو فقط بیر نفردن اوزاق ساخلییا؟ پس بئله بیر سنین ماحال دئیل بلکه بیر موعجئزه حئسابا گلر چون عادی بشر الیه بیلمز که نوخوشلوقدان اوزاک قالا. بو که نیه بئله بیر اماما احتیاج واریمیزدیر لازئم اؤلسا سؤیلرم.
+ نوشته شده در شنبه دهم شهریور 1386ساعت 12:15 بعد از ظهر توسط اولدوز | یک نظر
شعبانین اؤن بئشی اؤلوپ
سلام
شعبان آیئن اؤرتاسی موبارک اؤلسون
کولدن یانیب دولوبدو اوجاقلار هایانداسان؟
یوخ بیر گولوش سولوبدو دوداقلار هایانداسان؟
هر ایل عزیزله دیک آقاجان شعبان اون بئشین
سسلیرله پوفله شمعی اوشاقلار هایانداسان؟
هر جومعه گلمیشیک گله سن جمکران یولون
چالدی قابار یولوندا ایاقلار هایانداسان؟
سسلیر " نبی " دوزه نمیریک آنجاق اوزاقلیقا
گلسن گلر دوباره قاچاقلار هایانداسان؟
بیزده دوزه نمیریک داها آرتیق فراقینا
سیللی له آل قالیبدی یاناقلار هایانداسان؟
زرتشت یاندیران آلاوین ایستیسی گئدیب
کولدن یانیب دولوبدو اوجاقلار هایانداسان؟
منبع: بیز تورکیز وبلاقی
بو سری بایاتی یازا بیلمدیم آما گلن سری عوضین آچارام
+ نوشته شده در سه شنبه ششم شهریور 1386ساعت 9:20 بعد از ظهر توسط اولدوز | 4 نظر
قؤیون سؤنا اؤیناسین
سلام
بیر گونن بیر کیشی ائوه گدنده گؤرر که اؤغرو ائوی تالئیپدیر و هیچ زاد قویمویوپدور قالا ؛ آروادیدا ائوده دئیل! قونشولاردان سوروشار :"آی قونشولار سیز بیلرسینیز سؤنا هایاندا؟". قونشولاردان بیری سؤیلر : "های کیشی سحر چاغی سؤنانی گؤردوم گئدیر قونشو کنده. اله بیر که اؤنرادا بیر تؤی واریدیر."!
کیشی گئدر تؤی اولان ائوین قاپیسی آغزینا. بیر اوشاقا دئیر :"دوزلو بالام گئدرسن سونا خانیمی چاغیران گله؟". اوشاق گدر ایچری قئیدر دئیر :" عمی سونا خانیم چؤخ گؤزل اؤیونیور قوی اؤیناماقی قورتولسون دئیم گلسین؛ منده گدئرم اؤنون اؤیناماقینا باخام." سونرا قاچا قاچا گئدر ایچری! کیشیده بیلر که آروادی سیندیرماقدادیر!
اؤندان سؤنرا کیشی گئدیپ قاپی قاباغیندا دورار بتردن دئیر:
قؤیون سؤنا اؤیناسین
دؤنه دؤنه اؤیناسین
گتسین ائوین یؤخلاسین
گهنهده گلیپ اؤیناسین
بولاردا بو سرینین بایاتیلاری:
آرازی آییـــردیـــلار
قومــولان دؤیـوردولار
من سندن آیریلمـازدیم
ظـولم ایـله آییــردیلا
پنجره‌نین میللری
آچیب قیزیل گوللری
اوغلانی یولدان ائیلر
قیزین شیرین دیللره
پاردی تاتار منی
قول ائدیب ساتار منی
یاریم وفالی اولسا
آختاریب تاپار منی
(اشارهدیر تاتار حملهسینه)
آراز قیراغیندایام
چشمی – چیراغیندایام
قارداشیم او تایدادیر
اونون سراغیندایام
+ نوشته شده در شنبه سوم شهریور 1386ساعت 12:13 بعد از ظهر توسط اولدوز | 6 نظر
آنا ماهنی سی
بو ماهنینی کلوب سایتیندا آهو آدیندا بیر قیز یازمیشدیر. شانسا گؤزدوم! آخی کلوبدا عوضو دئیلم.
منیم آنام
سوزلریمین طراوتی
اوره گیمین طراوتی
گونشیمین حرارتی
منیم آنام عزیز آنام
***
باغچا باغدا چیچکیمدیر
منیم باهار دیلگیم دیر
عومور بویو گرهگیم دیر
منیم آنام عزیز آنام
***
یوخوما بال قاتان منیم
هوسیمله یاتان منیم
دردلریمه درمان منیم
منیم آنام عزیز آنام
***
ایزی واردی هر بیر یئرده
باش ایمه ییب هئچ بیر درده
لای-لای دئیر پرده پرده
منیم آنام عزیز انام
***
یاشایارام آدی لا من
گوج آلیرام نفسیندن
اودور منه آنا وطن
منیم آنام عزیزآنام
چون پرنسس خانیم بویورپلار یازگیلاریمیزی بایاتینان قورتاراخ بو ایکی بایاتیلاریدا تقدیم ائتدیرم:
منبع : یاغموردان سونرا
گوللو گولوستان اوستونه
شئح دوشوب بوستان اوستونه
گئدین دئیین او تولکویه
گلمه سین آسلان اوستونه
گئجه لر آی گئجه لر
آی دوغار آی گئجه لر
سنی گؤرن گوزلریم
نه یاتار نه دینجه لر
موغانین گؤی چیمه نی
گزمه گه گؤی چیمه نی
یا گزه رم تاپارام
یا وورار اوچو منی
سئوگی سئون مرد اولار
سئوگی سئومک درد اولار
سورئیدیم سئوگی قوشون
گؤرئیدیم نه رنگ اولار
قیزیل گول دن - دن اولدو
درمه دیم دن - دن اولدو
من سندن آیریلمازدیم
آیریلیق سندن اولدو
میخنگ اکدیم له ین ده
میخنگ باشین اه ین ده
نئچه قوربان دئمیشم
الیم یارا ده یه نده
+ نوشته شده در یکشنبه بیست و هشتم مرداد 1386ساعت 12:58 بعد از ظهر توسط اولدوز | آرشیو نظرات
پامبیقلیقا دونن باش - شاهسون بایاتی لاری
سلام
بیر حئکیاتنن باشلیاق:
بیر گون بیر یازیق کیشی گدر بیر ناشی دللکین یانینا. بو سلمانی بو کیشینین باشینین یارئسین اصلاح ائتدمیشدیر که بو یازق گورر باشی دولوپ یاراینان و دللک هر یارانین اوستدونه بیر پامبیق یاپیشدیریپ که قان گلمیه. کیشی ، دللکه سؤیلر:
بیزیم محلهده واردیر بیر سلمانی
آللاه سالماسین اؤنون گیرینی هش موسلمانی
باشیمین ساغین الیپسن پامبیقلیغ
سؤلونو ساخلا اچیم من یئر آلمانی
------------
شاهسون ائلین بایاتیلاریندان
میخک اکدیم گؤردولر
گولله‌ممه‌میش دردیلر
خوش او قیزین حالینا
سئودی‌یینه وئردیلر
میخک اکدیم قاشینا
یار توتدوم هاواسینا
یاری منده‌ن ایله‌ین (منی یاردان ایله‌ین)
ایلی دونسون یاسینا
میخک اکدیم باییرا
یئل وورا تئل آییرا
ایککی گؤیول بیر اولسا
خودا نئجه آییرا
میخک اکدیم باییرا
قوش قاناتین آییرا
ایککی گؤیول بیر اولسا
خودا نئجه آییرا
آغ آت بیچنده گزه‌ر
بیخاو قیچیندا گزه‌ر
من قوربان او قارداشا
خانلار ایچینده گزه‌ر
+ نوشته شده در جمعه بیست و ششم مرداد 1386ساعت 8:18 بعد از ظهر توسط اولدوز | آرشیو نظرات
اورگیمین سؤزو
سلام
بو ماهنی اؤزومنندیر. دوزدور که جالئب دئیل آما اورگیمین سؤزودور.
**************
آللاه اورکیمه باخ
اولوپ یارالی زمانهنین الیننن
یورولموشام، قوی اولسون هرنه اؤلاجاخ
بیلمیرم
بیلمیرم نیه اورگیم آرغیر.
گوزومون یاشی تؤکولور گؤزومنن.
بیلیرسن آخی:
اوزاکدانام!
اوزاکدان. اونرا که غم دنیزیدیر.
اؤنرا که گؤز یاشین کویریدیر.
اورگیم توتولوپ.
گؤیلوم ائستدیر آغلیام!
آغلیام
گؤز یاشی توکم.
آما
آما اوندا دیرلر کیشی آغلاماس.
کیشی دوز دورار
کیشی بئلی دایاقدیر. دایاقدا ایئلمس
آما من بیر اورگلی اؤغلانام.
ائستدیرم آغلییام.
آما....
****************
یادیمدا دئیل بو بایاتینی هاردا گؤرموشم. گوزلدیر
دونیانین قوجا باغبانیسان آی آتا
منیم عومرومون داوامیسان ای آنا
آنا آدی درمانسیز دردیمه شفادیر
آتا باخیشی دونیامین صفاسیدیر
هر کیمین بیر سئوگیسی وار
بیلین که سئوگلیم آتامدیر آنامدیر
+ نوشته شده در پنجشنبه یازدهم مرداد 1386ساعت 8:39 بعد از ظهر توسط اولدوز | آرشیو نظرات
بیر دانا دده قوروقودون بایاتی لاریننان
سلام
بیردانا بایاتی دده قورقوت کیتابینان بیر دانا بایاتی یازیرام. بو بایاتی نی «اسرار نهفته» وئبلاقیندان گوتورموشم. بو بایاتی دده قوروقود دئدیقی بایاتی لارداندیر. چوخ آغیر تورکودو مونتاها دونمه سینن بیلمق اولور. البته بو بایاتی نین دونمه سینده ، مصرعلرین یئرین عوضی یازمیشدیر که اونلاری گورلمیشم.
بری گلگیل، باشیم بختی، ائویم تختی! خوشبختی من دوباره بیا. ای سرور من و ای ستون خانه ی من
ائودن چیخیب یوروینده ،سلوی بو یلوم! زمانی که از خانه خارج می شوی قد رعنایت تحسین من را بر می انگیزد.
توپوغو ندا سارماشاندا قره ساچلیم! زمانی موهایت را افشان می کنی ای مو سیاه من.
قورولو یایا بنزه چاتما قاشلیم! دو ابروی بهم پیوسته ات چنان کمان آماده پرتاب
شکوه و جلوه ات رنگی دگر دارد !
قوشا بادام سیغما یان دار آغیزئلیم! دهان لعل گون تو به خاطر کوچک بودنش شبیه غنچه ی شود!
گوز آلما سینا بنزر آل یاناقلیم! ای رو سرخ من شبیه سیب تابستانی هستی
قاوونوم،ویره گیم، دولگیم! عزیزم ، دل بر جانا نه ام ، آرامش قلبم ، کجا رفتی
------------------ بیر آز ال آتدیم مونتاها آخئر مصرع اورگیمه یاتمادی.
اگر بیر نفر آذربایجان تورکوسونده دده قورقودون کیتابینین یا قدیمی اصلی دیلینین ، فایلی واریدیر ممنون اوللام منه گوندره . منده تورکیه تورکوسونده وار آمما هم چوخ شیعه دن اوزاکدی همده اوخوماقی چتین.
+ نوشته شده در جمعه پنجم مرداد 1386ساعت 9:4 بعد از ظهر توسط اولدوز | آرشیو نظرات
لای لای نان تولکونون حئکایتی.
سلام
بوگوندن منده بو وئبلاقدا یازماقی باشلادیم.اومودوم وار که ائتده بیلم پرنسس کیمین گؤزل گؤزل سؤزلر یازام. البته چون بایاتی چوخ باشارمیرام حئکایت ، ناغیل یا ماهنیدا یازاجاغام (البته اگر پرنسس خانیم اجازه ورسلر). سیزین کومکینیزنن گؤروم نه ائتده بیلم.
بیریمجی گوندور قالمیشام نه یازام. ایکی دانا اوشاق لایلایلارینان ایشیمی باشلییرام.
لای لای گمیم قایغیم
قیرمیزی شقایغیم
اول ائل قوروقچوسو
گئجه گوندوز آیئغیم
لای لایئ گلر یولدان
کیم گدیپ گلر یولدان
بالام یاتیگ دورانا
آتاسی گلر یولدان
آما بیر حکایت :
اورمونون کندلرین بیرینده بیر تولکو گئجهینن اؤغورلوغا گئدر. بیر تویوقو آغزینا توتوپ کندیدن چیخار اشیکه. تویوق که گورر هیچ چارهسییوخدور و اولهجخدیر ائستدر تولکونو باشینا بورک قویوپ قاچا. تویوق تولکویه سانری سؤیلر: «منیم جانیمین قاتیلی ، منی که یئیاجاخسان. حداقل منی اولدورماقدان قاباخ بیر پیغمبر آدین دئگینن تا من اؤز اتیمی بیلین حلال ائتدیم.» تولکو که چوخلو زئرنگیمیش ، بیلر که تویوق ایستدیر اونون باشین آللادا و اونون آغزینان قاچا. تولکو بیر آز فیکیر ائتدر بیدن چیغیرار: «جرجیس»!!! تویوقدا بو آرادا لاپ بئله ازیلر. اؤز آخیر نفسین چکمقدن قاباک دئیر: «تولکو جرجیسدن سونرا آیری پیغمبر تاپاممادین؟» و جانینی اؤز تانریسینا تقدیم ائتدر
نوکته: اگر سیز دیهسینیز "جرجیس" نه فقط آغزینیز آچیلمیاجاق بلکه بیر آز آرتیق باغلاناجاقدیر!
alidaneshvar )
پوریا امیدی7
رنگین کمان 93
یونس خلخالی
هاشم.انگوتی
حسین-سوما
انا کلب کلب اهلبیت
لیلااااااا
قافلان گشت
پزشکی 1
خونه باغ رضا
رضا ...رجبی
عباسی25
سعید.آقاپور
دکوراسیون داخلی پازل
کوزی گونی
II Mohammad II
(sajjad*parsa)....yalgiz..
esident--evil
میر بهادر خطیب شهیدی
روابط عمومی دفتر ارتباطات مردمی دکتر مددی
خانه
مطالب(101)
دوستان (194)
گالری تصاویر (96)
کلیپها (9)
نظرسنجی (47)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر