تورک بویلاری توران قورولتاییندا

21 اؤلکه‌دن هون تورک و ماجار بوی‌لاری، آگوست آییندا ماجاریستانین بوغاج دوزلوگونده بیر آرایا گله‌جک

تورک امکداش‌لیق و کووردیناسیون آژانسی باشقان‌لیغی تیکا و ماجاریستان توران وقفی‌نین امکداش‌لیغی ایله دوزنلن توران قورولتایی و ماجاریستان-توران بیرلیگی آتا‌لار گونو فعالیت‌لری قابسامیندا 21 اؤلکه‌دن هون تورک و ماجار بوی‌لاری، آگوست آییندا ماجاریستانین بوغاج دوزلوگونده بیر آرایا گله‌جک.
تیکا باشقانی دکتر سردار چام ایله ماجاریستان توران وقفی باشقانی بیرو آندراش ژولت، 2006.جی ایلدن بو یانا ایکی ایلده بیر تشکیل ائدیلن توران قورولتایی و ماجاریستان-توران بیرلیگی آتا‌لار گونو فعالیت‌لرینی سون 2 ایلدیر تیکا ایله بیرلیکده حیاتا گئچیرمک‌دن دویدوق‌لاری سئوینجی دیله گتیردی. ژولت، بو ایلکی قورولتایین آگوست آییندا تیکانین دستگی ایله گئچیریله‌‌جیینی ایفاده ائتدی.
هون تورک کؤکن‌لی قارداش اؤلکه‌لرین بوغاج اوواسیندا بیر آرایا گلمه‌سی‌نین اؤنمینی وورغولایان ژولت، قورولتایا هون تورک و ماجار بویلاریندان‌ 120 موسیقی و خالق اویونو قروپونون قاتیلاجاغینی ایفاده ائتدی. ژولت، 27 تورک بویونون قاتیلاجاغی، سیلاح گؤستری‌لری‌نین و اوخ یاریشما‌لاری‌نین دا ائدیله‌جیی قورولتایا تیکا باشقانی چامی دعوت ائتدی.
چام، تورکیه و ماجاریستان‌دان قاتیلیمچی‌لارین یانیندا آدربایجان، آوار، باشقورد، بالکار، بوریات، چوواش، قاقاووز، کاباردینو، قاراچای، قاراقالپاق، قازاق، قیرقیز، قوموق، موغول، نوگای، اؤزبک، تاتار، تووا، تورکمن، اویغور و یاقوت بوی‌لاری‌نین دا دعوت ائدیلمه‌سیله، تورک دونیاسیندا باریش و قارداش‌لیق مئساژلاری وئرمه‌نین اؤنم‌لی اولدوغونو قید ائتدی.
فرق‌لی اتنیک قروپ‌لارین بئش عصر بویونجا تورک ایسلام مدنیتی آنلاییشی ایله بالکان‌لار و دوغو آوروپا اؤلکه‌لرینده دینج‌لیک و باریش ایچینده یاشادیغینی ایفاده ائدن چام، بالکان‌لار و دوغو آوروپانین فرق‌لی دین و مدنیت‌لرین بولوشما نؤقطه‌سینده بیر کؤرپو حالینا گلمه‌سی اوچون تیکانین چالیشمالارینا داوام ائدجیینی ایفاده ائتدی .
ماجاریستان توران وقفی ایله امکداشلیغین داوام ائدجیینی بیلدیرن چام، ماجاریستان توران وقفی باشقانی ژولتا اوغورلار دیله‌دی.