درباره من

داندیغیم وار یوخ گؤزلدیر یار یانیندان گلمیشم
کؤنلومو تسخیر ائدن ایلقار یانیندان گلمیشم

زخمه زخمه یوخلاییبدیر، سانماکی سامانسیزام
نغمه تک اظهاره قالخیب، تار یانیندان گلمیشم

شرق کؤنلومدن ایشیق بورج آلماق ایستیر، اولمیا
آنلاییبدیر اول گؤنش دستار یانیندان گلمیشم

یول سالیب معنا باغیندان بیر باخیشلیق وصل اوچون
سؤزلری گاه عشق، گاه انکار یانیندان گلمیشم

سؤز وریبدیر آچدیرا کؤنلومده کی میخانه نی
باغلی قاپلار آچدیران سردار یانیندان گلمیشم

بیر باخیش،مین بیر تانیشلیق، بیرگؤروش، مین بیر بلا
گؤزلریندن داشلانان اسرار یانیندان گلمیشم

Dandığım var yox gözəldir yar yanından gəlmişəm
Könlümü təsxir edən ilqar yanından gəlmişəm

Zəxmə zəxmə yoxlayıbdır sanmaki samansızam
Nəğmə tək izharə qalxıb tar yanından gəlmişəm

Şərqe könlümdən ışıq borc almaq istir olmuya
Anlayıbdır ol günəş dəstar yanından gəlmişəm

Yol salıb məna bağından bir baxışlıq vəsl üçün
Sözləri gah eşq gah inkar yanından gəlmişəm

Söz veribdir açdıra könlümdəki meyxanəni
Bağlı qaplar açdıran sərdar yanından gəlmişəm

Bir baxış minbir tanışlıq bir görüş minbir bəla
Gözlərindən daşlanan əsrar yanından gəlmişəm  

درج شده در تاریخ ۹۳/۰۲/۳۰ ساعت 23:35

کاربران آنلاین (0)