درباره من

سن سیز اوره گیم ناره گرفتار اولو گئتمه
کئچمیش قارا گونلر منه تکرار اولو گئتمه
مین دردیمه درمان گتیریب نرگس مستون
گئتسون دل سودا زده بیمار اولو گئتمه
اون دورت گئجه لیک آی کیمی ساچ کونلومه یوخسا
زولفون کیمی آیدین سحریم تار اولو گئتمه
کونلوم قوشو چیخمازدی چمن سئیرینه سن سیز
سنلن گوزلیم مایل گولزار اولو گئتمه
حاشا گوله بیر گول اوزومه دهر ده سنسیز
گولشنده ده گوللر گوزومه خار اولو گئتمه
جان نقدینه بیر نازینی ساتسون آلارم من
کیم من کیمی اول نازه خریدار اولو گئتمه
عشاق آرا باشیم اوجالار داغ کیمی قالسون
اغیار آرا عاصیم قوجالیب خوار اولو گئتمه


شاه علی بیگ لو به دره مندجین 1393.03.23  

درج شده در تاریخ ۹۳/۰۴/۲۰ ساعت 16:24

کاربران آنلاین (0)