درباره من

اَل چک داها آخیر نفسیمدیر گئدیرم من
عمروم بویو گوز یاش قفسیمدیر گئدیرم من
سون دفعه دی مکتوب یازیرام آی قارا گوزلوم
بیرلیکده دانیشماخ دا بسیمدیر گئدیرم من
...
من خوشلامادیم آیریلیغی ظلمته دوشدوم
دونیا اویونونلا بِئله بیر قیسمته دوشدوم
نامردی زمانه سنی منن گوره بیلمیر
اولمک یرینه من بئله بیر ذیللته دوشدم
...
الله بو یانان دونیاما بیر ول وله گوندر
یاریم دوزه بیلمیر بو گجه زلزله گوندر
قارقیش اِلییبدیر فلکین چرخی دایانسین
سیل یاز تزدن عشقه ساری سلسله گوندر
...
خائن دئیلم غیرتیمی کسمه گینن سن
بیر شاختا وورولموش آغاجام اَسمه گینن سن
نفرینلره قالدیم بئله بیر پیس گونه دوشدوم
نفرتله بو شعرین ورقین اَزمه گینن سن





1393.3.6ورزقان.بوزقوش داغ لاری  

درج شده در تاریخ ۹۳/۰۷/۱۲ ساعت 12:21

کاربران آنلاین (0)