درباره من

گوزه لیم گوزلرین عشق اهلینی گریان ایستر
گونده یوزمن کیمی بیچاره نی قربان ایستر
نه اولار چوخدا گوزل سن اؤزون انصاف ائیله
هانسی گول عاشقینی سن کیمی نالان ایستر
منده باخسام او لب لعلینه قان اولماز کی
بولبولون عادتیدیر غنچه خندان ایستر
بیلمه میشلر دهنین سرین هله ایندیه جن
کشف قیلماق بو معمانی چوخ امکان ایستر
او قارا زولفونون آز چکمه میشم حسرتینی
مبتلا کونلومی هر لحظه پریشان ایستر
واحدی جاذبه عشقین ائدیب مجنون تک
یوخسا دیوانه لیگی هانسی بیر انسان ایستر  

درج شده در تاریخ ۹۳/۱۲/۰۵ ساعت 11:14

کاربران آنلاین (0)