درباره من

یارین بویون قوجاقلادیم، یار آغلادی من آغلادیم
ییغیشدی قونشولار بوتون جار آغلادی من آغلادیم
باشیندا قار قالان داغا، دانیشدیم آیرِیلیق سؤزون
بیر آه چکیب باشینداکی قار آغلادی من آغلادیم
طارمدا نار آغاجلاری منی گؤروب دانیشدیلار
بویومو زیتون اوخشادی نار آغلادی من آغلادیم
یؤرک سؤزون دئدیم تارا ,سیملر اولدو پارا- پارا
یواش- یواش سیزیلدادی , تار آغلادی من آغلادیم
دیئدیم کی حاق منیم کیدیر باشیمی جکدیلر دارا
طناب کسنده بوینومو دار آغلادی من آغلادیم
ایلیگه اسدی بیر خزان تالاندی گوللریم منیم
خبر چاتینجا بولبوله خار آغلادی من آغلادیم
«جعفریم» بویوم بالا غم سینمده قاقا- قالا
یار جانیمی آلا آلا یار آغلادی من آغلادیم
.
.
Yarın boyun qucaqladım yar ağladı mən ağladım
Yığışdı qonşular bütün car ağladı mən ağladım
Başında qar qalan dağa danışdım ayrılıq sözün
Bir ah çəkib başındakı qar ağladı mən ağladım
Tarımda nar ağacları məni görüb danışdılar
Boyumu zeytun oxşadi nar ağladı mən ağladım
Elə ki əsdi Bir xəzan talandı güllərim mənim
Xəbər çatınca bülbülə xar ağladı mən ağladım
Ürək sözün dedim tara simlər oldu para para
Yavaş yavaş sızıldadı tar ağladı mən ağladım
Dedim ki həq mənimkidir başımı çəkdilər dara
Tənab kəsəndə boynumu dar ağladı mən ağladım
Cəfəriyəm boyum bala ğəm sinəmdə qala qala
Yar canımı ala ala yar ağladı mən ağladım  

درج شده در تاریخ ۹۳/۱۲/۲۳ ساعت 22:11

کاربران آنلاین (0)