درباره من

یاز قلم عشقه یانان کونلومی یار قان ائلدی
یاز قلم دونیا بویی دونیامی ویران ائلدی
یاز قلم چرخ فلک غم منه مهمان ائلدی
یاز قلم آیریلیقین قلبیمی پشمان ائلدی
***
یاز قلم سوزلریمی کیمسه گوروب آغلیاجاق
یاز قلم گورسه آنام یازدیقیمی دیغلیاجاق
یاز قلم مجنون اولان گونده اَلین داغلیاجاق
یاز قلم یوللارا گوز حسرتینن باغلیاجاق
***
یاز قلم من بیلیرم یار بولاری گورمیاجاق
یاز قلم من بیلیرم یار قاپیمی وورمیاجاق
یاز قلم من بیلیرم عهدینه یار دورمیاجاق
یاز قلم من بیلیرم یار یولونی بورمیاجاق
***
یاز قلم خاطراتین گوزده کی یاش قان ائلدی
یاز قلم اوزگه لیقین عمرومی قوربان ائلدی
یاز قلم هر گئجه یادین منی حیران ائلدی
یاز قلم غم کدری کونلومه سلطان ائلدی  

درج شده در تاریخ ۹۴/۰۳/۲۰ ساعت 10:52

کاربران آنلاین (1)

aliarang