درباره من

تقدیم به دریاچه ارومیه

اورموگولی اویان سنن سوزوم وار
سوز نه دییم،ایکی آغلار گوزوم وار
نه سنده سو، نه منده بیر دوزوم وار

من یانارام،سن قوروسان عطشدن
اویان گلیم سنده ئوزوم تزه شدن

اوشاغیدیم گلیب سنده ئوزردیم
قوملار اوسته، نارین داشلار دوزردیم
شور سو ایچیب،دوداغیمی بوزردیم

اغیز،بورون،گوزومدن سو گلردی
آغام رحمتلیخ ده منه گولردی

اورموگولی، بولاخلارین نئج اولدی
آخان چایلار،قاریاغیشلار هئچ اولدی؟
هاردا قالدین آراز، یئتیش،گئج اولدی،

دریامیز ئوز نیسگیلینه قان آغلیر
بو نیسگیله ، آذر بایجان آغلیر  
 

درج شده در تاریخ ۹۴/۰۴/۲۵ ساعت 00:35

کاربران آنلاین (0)