درباره من

ای بشر عالمه سلطان اولاسان گیتمه لی سن
صاحب مُلک سلیمان اولاســان گیتمه لی سن
بـیـر تَفَکُّر ایله گـور خلقتیـویـن سِرّی نـدی
خاک تیره مه تـابـان اولاسان گیتمه لی سن
عُمـر نــوح اولسا نصیبون بو فنا دنیاده
شُهره ی عالم امکان اولاسان گیتمه لی سن
مسخره ایلـمـه گـولـمه بیرینین صورتینه
حُسنوده یوسف کـنـعـان اولاسان گیتمه لی سن

چوخــدا فخر ایلمه اوز دولتیوه قدرتیوه
دهریده رستم دستان اولاسان گیتمه لی سن
قویما مغرور ایلیه چوخدا سنی پُست و مقام
آمر و تابع فرمان اولاسان گیتمه لی سن
متواضع بشر اُول اولماگینان اهل غرور
نه قَدَر فخریلی انسان اولاسان گیتمه لی سن  

درج شده در تاریخ ۹۴/۰۶/۰۵ ساعت 22:10

کاربران آنلاین (0)