درباره من

فکرون سالیبدی چوللره بو خسته جانیمی
گؤز یاشلاری کسیبدی بو گونلر آمانیمی
مندن سوروشما علتینی سویله سم سنه
قورخوم بودورکی یاندیرا سؤزلر دهانیمی
گؤز داملاری آخیر أوزومه باخماسون منه
اینجیتمه سئوگولوم بئله روح و روانیمی
ویرانه مه قویاندا قدم اولما بدگومان
قایتارمارام سنون کیمی من میهمانیمی
فکرونله گؤزلریم گئجه لر یاشیلن دولار
دفترده دامجی،دامجی یازار داستانیمی
از بس اوچورتدی فکریمی باشدان خومار گؤزون
پیس یازمیشام کلاسدا دونن امتحانیمی
داخی نفس یولی باغلاندی غصّه دن
وئر موژده یاره گور نه وئریر موژدگانیمی.
 

درج شده در تاریخ ۹۴/۰۹/۲۳ ساعت 21:53

کاربران آنلاین (1)