بوراسی تورکمنچایدیر

دونموش بوغازلاردا سسیز هارایلار

نفس سینه ده قیرو باغلاییر

بوراسی دای هاراسی ؟

ایستی شاختا قوروموش آغاجلارین تیکانلی بوداقلارین اوشودور ،

بورا هارادیر بیلمیرم ؟

دئییرلر بوردا تویوقلار شاختانین سون درجه سینده کوت دوشرلر

یومورتالار شاختادا چیرتلاییرلار ،

آنالار اوشویورلر ،

اوشورگه نه اوشورگه نه ،ناغیل سؤیله ییرلر کورسو توووندا ،

دئییرلر بوردا کورسو توووی قیرو باغلاییب ،

ائله جه ده بئشیک اوشاقلارین سویوق سوته امیشدیریرلر ،

هر کیمده بو سویوق دورومدا اومود وار .

هر کیم دئییر بیزه ده یای یاز اولاجاق ،

بؤیوموش بئشیک اوشاقلاری سیفرا دئورینده گؤرونور

دئییرلر بایرام اولوب ،

بایرام سیفراسیندا یئددی یاشام اؤیه سی گؤرونمور

آتالار دئورینده گؤرونمور ،

بوردا سیفرادا یالنیز بوز قندیلی وار ،

دئییرلر آتالار سیجاقلیق پئشینده قوربتده اوشویورلر

قیزلار اللرین پیله رک اوخول یولوندا ،

بئشیکدن آیریلیب آییغان اوغلانلار ،

ساعات 12:30 دا سویوغو شاختا ویران دورومدا

سئوگی پئشینده ،

بیر سویوق باخیش پئشینده ،

اولسون کیرپیکلریده قیرو باغلامیش ،

بوراسی ندن بئله سی ؟

ایندی بیر یانیت بو شاختانی پوزدورار ،

بلکه ده هامی بیله جک ندن ؟

دئسمسه ،

دئییرلر بوراسی تورکمنچایدیر ،

بوراسی تورکمنچایدیر ،...

 آنااوغلو