دنیا

هئـچ قویمادین بیرکوک لیه             کــونلوم سازی تــاری دنیا

گــولدورمدین هی آغلادین             وئـــردین  آهی  زاری  دنیا

هـــی دوغــرادین منه قارا              حسرت قویدون دوستا یارا

یـــامان سـالدین منی تورا              آچ  بیر  اوچوم  باری  دنیا

نــه   وئریبسن   آلانمسان              سویله سنی یوخدی  آسان

گوروم سنی قان قوساسان              اِدیــن  اومروم  یاری  دنیا

هئچ تــوتمادین سوراغیمی              یــاندیــرمادین   چـراغیمی

وروب تــوکدون یارپاغیمی             گــتیــرممیش  بــاری  دنیا

آغلار قویــوبسان گوزومی             گــــولدورمیبجن  اوزومـی

دئیـــرم آخـیـر ســوزومی             دوش مین درده  زاری دنیا

درد و غمیـــم  بــالا بـــالا             یغیشیب   اُلدی    بیــر قالا

حسين زادني  مــین   خیالا         سالیب  ائدین  قــاری  دنیا