آللاه آللاه

وئــــریب گـــــوزلیگی آنا یــــوردومــا                          کـــرم دریــاسینان پــــای  آللاه آللاه

گر قالدیرا باش غنچه دن گول چیچک                           چیخمازبولوت آتدان آی آللاه آللاه

اولانــــدا داغــلاردا قار دئشمه دئشمه                        آخــــاندا  زیرودن  باغـــلارا   چشمه

ســــالاندا   قایادا   آهـــــو   دویــوشمه                         دوشـــــر دره لــره    های   آللاه آللاه

ســــوزنده جبلرده کهلیــک فــــره سی                         دولــــوشاندا   کـــولا   کوسا   هـرسی

بیتنده چــــــولـــــرده ختاب تـــــره سی                        دونـــر   بیر   بهشته   دای   آللاه آللاه

داغ اورتنــــده باشـا یاشیـــــل چپینــــی                        کــــسنده   آخـــشاملار  دومان   چپینی

نــــی ده چـــــاغیرانـــــدا چـوبان نبینی                         اودم مــــنده  اولایـدیم  آی  آللاه آللاه

اولانــــــــدا چیچکلی لالالـــــی چـــولی                        گــزنده   بیلدیرچین   بالالالی    چولی

حُسنیــنه اویـــدورور خیـــالی چـــولی                         بـــورا  یـاراتماییب   تای    آللاه آللاه

اســـه یئللر چـــالا سازیـــن سونبوللــــر                       اوخــــویا  باغـــــلاردا شیدا   بولبولر

داش جـــارینان چیخان تــر تـزه گوللــر                       ایــــلر بیـربیـرینه بـــــای آللاه آللاه

حسين زاديم داغلار  منیم   هــــمدمیـم                       هم کوکیمدی  هــم میزرابیم هم دمیم

گــــوزللیکلر مســــکنیدیـــــر وطــنیم                         هئـچ زمان ائتمه سین زای آللاه آللاه