تبريز قيزي

سوغات آپارماغا اؤز بخت ائوينه
 

محبت بزه ك لي اورگين اولسون
 

آناليخ يولوندا قدم قويان قيز
 

بو يولدا محبت كومئين اولسون
 

ياديندان چيخارتما بير آن عصمتي
 

عصمت دير قيزلارين عؤمور زينتي
 

وطن سعادتي ائل سعادتي
 

خلقين خوشبختليگي ايسته يين اولسون
 

سويله ميرم گئينيب بزه نمييه سن
 

باشارسان هم گئيين همده بزه ن
 

اما ايسته سن كي گوزه لشسن
 

وفا ، وقار ، عصمت بزه گين اولسون
 

حياتدا باش ائيمه درده موشكله
 

كئدرلي سوزلري گتيرمه ديله
 

باغلا طالعين وطنه ائله
 

خلقين خوشبختليگي ايسته يين اولسون
 

آزادليق عشقيله ياشا هوسله
 

قارنليق گونلرده گونشي سسله
 

زمانا سس وئره ن اوغول قيز بسله
 

قوي بارلي بهئرلي امگين اولسون