اوتانیم (شاعیر:شاهمار اکبرزاده)

اوتانیم 

یئــــــــــرینه سنین آی بولوت
آللاهین آلتیندا آغ ائیله ییرسن
اوتانیب قیزاریر سنه گوونجیم
سن اوز قانیمیزا یئریکلییرسن

*******
اوتانیــــــم یئرینه سنین آی بولوت
آللاهین آلتینـــــــــدا آغ ائیلییرسن
سینه سی چاتلاییر چؤلون چمنین
یاغیشی دنبـــــزه سه په لییرسن

*******
اوتانیـــــم یئرینه سنین آی دنیز
سوسوزلار قوینوندا یئتمیر کامینا
چایلارین باشینی کسیب تر تمیز
چؤنموسن سولارین قبریستانینا

********
بودا کی مین ایللیک تورک قبریستانی
آنالار کور اولــــــــدو آغـــــی دئمک دن
اوتانیــــــم یئــــــــــرینه تورک یاتاغانی
گـوزلـریـن دویمـادی تـورکی یئمک دن

********
اوتانیــــــــم یئرینه مصری قلئنجیم
توفنگ چیخان کیمی قینینا گیردین
اوتانیب قیــــزاریر سنه گوونجیـــم
سن اوز قانیمیزا یئریک له ییردین

********
اوتانیـــــم یئرینه قوچ کوراوغلی دین
دوشمنین کیمییدی حسن پاشایدی
باش بیــــــــر یانا لش بیر یانا دئیردین
داراغا ووردوغـــون قارداش باشییـدی

********
اوتانیـــــــــــم یئرینه امیر تیموروم
یئخدین بیاضی دی یئخدین تاتاری
سنین غلبه نله سیندی ووقاریم
یادلارا قول اولدی تورک اولادلاری

********
شاه بابام خطایی ، ای سلطان سلیم
چالــــدران دیین ده اوتانیـــــــــــرام من
عصیـــرلـر کئچسه ده دوزه لمیـر قدیـم
سیزین یئـــــرینیــــزه اوتانیـــــــرام من

*********
اوتانیم یئرینه آی اینسان اوغــــلو
بیر یاندان اولومدن داد ائیله ییرسن
بیــر یاننانـدا زرحلـــی ،  زادلــــی
اولوم سیلاحلارین ایجاد ائدیرسن

*********
بیر اوتانج دیوانی قوراردیم حکما
اگر اولماسایـــــدی منی قینایان
یئـــرلردن گوی لردن اوتانیرام من
اوتانیــــــــــم بئرینه آی اوتانمایان
…
 شاهمار اکبر زاده