آخ کی نه قَدَر سوزلریمین، دردی قاریشمیش
هر نه اوخویام یا کی یازام، دیلیمده واریمیش
بهرنگی قارا بالیغینی بیرده تاپاندا
دیل آچمیش اوشاقلارا دا بیر، قصه یازیر میش
دستانلاریمیز سینه به سینه دولاناندا
آنا بالاسی یاتماخ اوچون ،لای لای اوخورمیش
اینسان اگه اینسان اولا اوز دیلینی آتماز
اوزون ایتیرن دوسلارینا، عشوه ساتیرمیش
آخی تانیمیرهجروتومروس وجوانشیر
بابک تکی اصلانیده ،تولکییه قاتیرمیش
قوللارینی هم قیشلارینی غیر اوزنده
اوز توپراقینا یات ماماغا، رنگی قاچیرمیش
بولاری ،نه قَدَر اینجیدیسن سن اوز الینن
آیریسینا خوش گلمک اوچون، ترکی دانیرمیش
ستارخان وباقرخانوین قبری هایاندا
آنلامیسان آزدالیق چورگین، یونجا تانیرمیش
اولوم اَلوی آت سینَمه، باس منی قبره
اوندا دیه بیللم کی دیلیم ،جانلی قالیر میش
آمما یوخ ،قورخورام اوز قبر داشیمنان
نیاکی دیلیم آیری دیلین، آتلا باترمیش
دیلداشیم و دوستیم ،سن گل بونی آنلا
اوز دیلین آتان، عومر بویی، ذلتله یاشیرمیش