يئني تحصيل ايلي آمما آنا ديلده تحصيل يوخ

يئتميش اوچ – دؤرد ميليون جمعيتي اولان بير اؤلكه‌ده اوتوز اوچ – دؤرد ميليون  نفوسو اولوب لاكين اؤز ديلينده تحصيل آلما حاقّي اولمايان بير ميلّته اورك يانديرماق يوخسا « سنين حاقّين بوندان آرتيق دئييل ! » دئمك‌مي لازيمدير ؟

دونيانين ان دالي قالميش اؤلكه‌سي اولان افغانستاندادا «‌ بير مملكت ده يالنيز بير رسمي ديل اولار » تئوريسي چوخداندير زيبيل قابينا تؤكولوب و بو اؤلكه‌ده ايكي سرتاسري ديل ( دري و پشتو ) رسمي ديل اولاراق افغانستانين بوتون مكتب – مدرسه و بيليم يوردلاريندا ( دانيشگاهلاريندا ) تدريس اولدوقدان علاوه ، بو اوْلكه‌نين بوتون مطبوعات و راديو – تلويزيونلاريندا هر ايكي ديلدن استفاده اولور .