وطن تورپاغی/ ائلیار پولاد (چوخ گوزلدی اوخویون )

تورپاق، آلوولانیب اودلانیردی

دئدیلر کی:

سو سپیلسین اوره‌یین کؤزلرینه ؛

دیل دوداغی قوروموشدو

دئدیلر کی :

نغمه فوشون داردا قالان ائللرینین سؤزلرینه.

قانچیرلانیب آیاقلاری ،

دئدیلر کی :

ملهم قویون قانداللارین یئرلرینه .

سو سپیلدی اوره‌یی‌نین کؤزلرینه

نغمه‌لر قوشولدو ائل‌لری‌نین شرفینه

ملهم قویولدوسا،

آمما

ساکیت‌له‌شیب، اوونمادی…

وطندن بیر آووج تورپاق

قویدولار اوره‌ک باشینا؛

گولومسه‌ییب،

یومدو گؤزون؛

گولومسه‌ییب

ساکیت‌لشدی…

   **********************

باشکا بیر شعر:تاپشیریق

یوخ اولورسان بودونیادان یاواش -یاواش
اؤنجه قووولورسان ایش یئریندن،
سونرا بازاردان .
ائوه دؤنه بیلمیرسن الی‌نین بوشلوغوندان .
یاواش – یاواش یوخ اولورسان-
قوهومدان – قارداشدان .
بوتون قاپی‌لار اوزونه باغلانیر
قبرستانلیقدان ساوایی .
بیر تیکه کاغیذا یازیرسان:
“منی باسدیراندا
موطلق سویوندورمایین
بؤیوکلر اتیمین تؤکولمه‌سیندن
و
اوشاقلار
اسکلئتیمین کابوسوندان
دهشتلی یوخولار گؤرمه‌سین  دئیه…. ”

ائلیار پولاد