بیاض گئجه لر

گؤروشدوم یاریملا بولاق باشیندا
اولدوزلو گئجه ده آی ایشیقیندا
دانیشدیق اوره کدن دونیالار قَدَر
سیرداش اولدو بیزه بیاض گئجه لَر

اؤپمه ک ایسته دیم من آل یاناقیندان
قارا گؤزلریندن ، بال دوداغیندان
چَکیلدی کَنارا ، اوزوندَن کَدَر
سیزدن اوتاندی او بیاض گئجه لر

توتدوم اَللَریندَن آچدیم قلبیمی
آخیر بیان ائتدیم مَحَبَتیمی
یاشالدی گؤزلری بورولدو قَهَر
شاهیددی سئوگیمه بیاض گئجه لر

بیاض گئجه لر ، بیاض گئجه لر دانیشدیق اوره کدن دونیالار قدر
بیاض گئجه لر ، بیاض گئجه لر سیرداش اولدو بیزه بیاض گئجه لر