وطنیم

وطنیم

وطن ای قانلی چیچك له بویانان

آجی تاریخ بویو هئی تاپدالانان

بؤلونن مین یئره مین پارچالانان

سن بؤلونموش اؤره ییم سن وطنیم

كسیله ن جؤت بیله ییم سن وطنیم

آییمین هر گؤنو مین ایلدن آغیر

كؤر بولوتدان قارا گؤنلردی یاغیر

آی كوراوغلو داها چوخ یاتما باغیر

باش آیاق اودسوز آلوودور وطنیم

قارا بایقوشلو كالودور وطنیم

كؤت پیچاقلار یئنه میدان سولاییر

قوروموش باخچادا ایت قان یالاییر

جاناوارلار گئجه او او اولاییر

قالانیب بوز تولادان خان وطنیم

بو قیزیل تورپاغی آلقان وطنیم