آلمانیا یومورتا یئمه‌یی کسدی!

آلمانیاداکی ات و یومورتا روسوایچیلیغی ایله ایلگیلی هر گون یئنی بیلگیلر گون ایشیغینا چیخیر:

روسوایچیلیقلا ایلگیلی سون اولاراق، اون آی اؤنجه اؤزل بیر لابوراتواردا یاپیلان تستلرده، حیوان یئملرینده دیوکسین ماده‌سینه راستلاندیغی آنجاق بونون یئتکیلیلردن گیزلندیگی اورتایا چیخدی.

بو دوروم ات و یومورتاداکی تهلوکه‌نین اوزون سوره خالقدان گیزلندیگینی گؤستریر.

آلمانیا اکینچی‌لیک باخانلیغی طرفیندن بو بیلگی دوغرولانیرکن، اؤنلم اولاراق قاپادیلان دونوز، تویوق و هیندی (بوقلمون) تارلاسی ساییسی‌نین دا ٤ مین ۷۰۰-و آشدیغی بیلدیریلیر.

آلمانلی زراعتچیلر بیرلیگی، قاپادیلان تارلالاردا اورتیم و ساتیشین تاماما دوردوغونو بلیرته‌رک، سکتوردا فعالیت گؤسترن اورتیجیلره تضمینات اؤدنمه‌سینی ایسته‌ییر.

آلمانیادا یایینلانان بعضی قزئتلر، تارلالارین قاپادیلماسیندان دولایی اورتایا چیخان ضررین هفته‌لیک ٤۰ ایله ٦۰ میلیون یورو اولدوغونو ایره‌لی سورور.

سون یاپیلان گؤروش سورغولاماسیندا، آلمان خالقی‌نین توکتیم آلیشقانلیقلاری‌نین سرعتله دگیشدیگینی گؤستریر.

خالقین یوزده ۱۸-‌لیک بؤلومونون چوخ آز یومورتا توکتمگه باشلادیغی یا دا هئچ یومورتا آلمادیغی بلیرتیلیرکن، ات محصوللارینا اولان طلبین گئده‌رک آزالماغا باشلادیغینا دقت چکیلیر.

بو آرادا، روسوایچیلیقلا ایلگیلی خبرلرین یئر آلدیغی اینترنت صحیفه‌لرینده دیوکسین ریسکی داشییان محصوللارین کود نومره‌لری یایینلانیر.

آلمانیادا ۲ هفته اؤنجه یاپیلان روتین کونتروللاردا حیوان یئملرینده کانسروژن (سرطان تؤره‌دن) دیوکسین ماده‌سینه راستلانمیش، بو یئملرین مینلرجه تویوق، هیندی و دونوز تارلاسیندا قوللانیلدیغی تثبیت ائدیلمیشدی.

http://www.trtturki.com/trtworld/azt/newsDetail.aspx?HaberKodu=176e1e8f-c0f9-454f-89be-c908b60cec4b&title=آلمانیا