یات قال دالا لای لای

ترپنمه  آماندور  بالا غفلتدن  آییلما

آچما گوزیوی خواب جهالتدن آییلما

لای – لای  بالا لای – لای  

یات  قال  دالا  لای – لای

آللانما  آییقلیقدا  فراغت  اولا  ، هیهات!

غفلتده کئچنلر کیمی لذت اولا ، هیهات!

بیدار اولانین باشی سلامت اولا، هیهات!

آت  باشـیوی  یات بستر  راحتدن  آییلما،

لای – لای بالا لای – لای

یات  قال  دالا  لای – لای

بیر لحظـــه  آییلدینســـا قوتار  جانوی یوخلا!

آت   تئریاکــــوی ،  چک  بابا قلیانوی  یوخلا!

اینجیسه ساغین وئر یوره سول یانوی یوخلا!

ایللرجـــه   شعارائتدیگین    عادتدن    آییلما!

لای – لای بالا لای – لای

یات قال   دال ا لای – لای

گوز نوریدوراویقی دور اونی ائتمه گوزوندن!

یول وئرمه مبادا چیخا بیر لحظه سوزوندن!

اما ائله برک یوخلاکـــی حتا گئت اوزوندن!

آفاقـــی   دوتان  شور  و  قیامــتدن  آییلما

لای – لای بالا لای – لای

قال  یات  بالا   لای – لای