شعری ترکی در وصف بادمجان

               بادمجان

حق یارادیب تحفه بادمجان سنی

بنده سینین دردینه  درمان سنی

ایستیرم آخیر سنون هر قسموی

آغ دوگی اوستونده قارا جسموی

یا  کی ائدوم   ویرد زبان اسموی

                       یا چکم آغوشه خرامان سنی

گاهی گورورم بشقابی دولدورموسان

حلقه  صفت دوره  ویروب  دورموسان

روغنیله  بزم   طـــرب    قورموســـان

                     ایستیری دل هر گئجه، هر آن سنی

گاهی گورورم قیمه باسوبلار سنه

غرق ائدیب بیر کاسا روغن سنی

اوندا  هجوم  آور  اولوم  من  سنه

                    تا چیخادوم دیشره او یاغدان سنی

یاده توشر  کویده  قالان گونلرون

سیرکه ده ناز ایله یاتان گونلرون

عاشیقوه عشوه ساتان گونلرون

                  عقل یازیب نفسیمه فرمان سنی

دویمارام   عالـــمده   بو  اندیشـــه  دن

سیرکه- شیره نی چیخادام شیشه دن

کامه یئتورسون  سنـــی حق ریشه دن

                  هم ائله سون میوه ی رضوان سنی

کیمدی سنین تک بئله نیلی گیین؟

روح ایچون آللاه یارادیب جان سنی

لاله ده هر کیمسه گوروب کوللارین

فکر ائله مز  واردی  اوزاق  یوللارین

بیرجه منیم   بوینوما سال قوللارین

                    تایبه «مذنب» ده خرامان سنی

                                                          «مذنب»