داغلار

اوتانماسام اوشاق کیمی آغلارام                    یامانجا دؤشوب یادیما داغلار

ایسته ییرم بیر آه چکم اؤره کدن                   قورخورام آلیشا اودوما داغلار

قوینوندا اولاندا چکمه میشم غم                    آیریلاندا گلیب گؤزلریمه نم

بختیمه یار اولوب کؤنلومه همدم                   دارگونده یتیشیب دادیما داغلار

شیرین لایلام اولوب بولاغی چایی                 اونودا بیلمیرم بو حاقی، سایی

منیم سئوگیم یوخدی اوندان ساوایی               "بهمنم" یازیلیب آدیما داغلار.

بو شعری یازان: "بهمن وطن اوغلو"