یازیغیم گلیر

دونیا کیمینه کئف،کیمینه دهشت                     بونلاری قانانا یازیغیم گلیر

دویوب دؤشوندوکجه عؤمرون سونونو                  اینسانام،اینسانا یازیغیم گلیر

دؤوران یئنه تزله دی دردیمی                   ساز ندیر بیلمه ین ترپه دیر سیمی

بیر عاغیلسیز ناشی قواصلار کیمی                       دؤشنده اومانا یازیغیم گلیر

عؤمور یوللاریندا آغاردی بیرچک                        آی ائللر آتالار عالم دی گئرچک

جوت اولسا میلچک ده قالیب گله جک                 تک اولان آسلانا یازیغیم گلیر

خیلقتین سررینی دویا بیلمیرم                      هر سؤزو آشیکار دییه بیلمیرم

نییه سیزیلداییر، نیه بیلمیرم                            ناله لی کامانا یازیغیم گلیر

گؤزومدن یاش آخیر اؤزومه دن دن                آمان آی آیریلیق اولمویایدین سن

بیر اؤلوم یاخشیدی سئویلمک دن                     طالع سیز جاوانا یازیغیم گلیر

ایگید آر آدلانار غئیرت اولاندا                       اؤزده حیا اولار،عیصمت اولاندا

دیل بیلمز نادانا قیسمت اولاندا                        اهلی حال جانانا یازیغیم گلیر

بیر آن چاتیلمازمی قاشی اووچونون       آخمازمی گؤزوننن یاشی اووچونون

دئیه نده گؤلله سی ناشی اووچونون                 یارالی جئیرانا یازیغیم گلیر

دوورون گردیشینه اویا بیلمه ییب                  قلبیندن قوباری یویا بیلمه ییب

عشقینی کیمسه یه دئیه بیلمه ییب                    گیزلیجه یانانا یازیغیم گلیر

ظالیم زامان کیمی ائتدی بختییار                اؤره کلرده کدر، حسرت، اینتیظار

آمان آللاه داغلار بویدا دردی وار                     "بهمن" تک اوزانا یازیغیم گلیر.

بو شعری یازان : "بهمن وطن اوغلو"