یالانام داها

منزل اوزاق من پیاده عؤمور آز

یورولوب یوللاردا قالانام داها

منیم کی دردیمه چاره تاپئلماز

دردی غم الیندن تالانام داها

گئن گؤنده طایفالی دار گؤنده تکم

بیر ماهنئیا بندم بیر نازیک تؤکم

گرک کی وطنده غریب لیک چکم

چکینه چکینه دولانام داها

اودومو سؤندؤروب اؤلوم سویوغو

سینه مه درد چکیب مین درد دویغونو

دئسه لر اینانما " شجاعت " بونو

من بیر افسانه یم یالانام داها.

بو شعری یازان: " شجاعت"