شعری از ستار گلمحمدی

درمان اؤچون هیجران ووران یاراما

باغیندان بیر چیچک درمه میشم کی

فیرقتیندن دردیم چاتیب یوز یوزه

قویما منی حسرتینده غم اوزه

قارداش دییه بیر دایانیب اؤز اؤزه

قولومو بوینونا هؤرمه میشم کی

آهیم توتار اؤتن عؤمرون جهدینی

عاشیق اولان اونودارمی عهدینی؟

دوداغیملا ووصال دملی شهدینی

شکر دوداغیمدان سورمامیشام کی

"ستار" دؤزر قیش قهرینه یاز کیمی

چاغلار عشقین سینه م اوسته ساز کیمی

هله بو سینه می پایانداز کیمی

گلن یوللارینا سرمه میشم کی.

بو شعری یازان: "ستار گلمحمدی"