اونودا بیلمیرم

من سنی اونودا بیلمیرم  آخی

اونوتسام نه لری اونودام گرک

گؤیلره باخمیشیق آیلی گئجه ده

اونوتسام گؤیلری اونودام گرگ!

دنیزی اونودام، یا دالغالاری

خاطیرن یادیمدان چیخایدی باری

پاییزدا خزانی، قیشداسا قاری

باهاردا گوللری اونودام گرک!

دئ نئجه اونودوم من سنی نئجه؟

سئوگی دورنا دئییل پاییزدا کؤچه

یوخوما گلیرسن منیم هر گئجه

آیلاری، ایللری اونودام گرک!

سنین خیالیندیر حسرتله باخان

آدیندیر هر ساعات قارشیما چیخان

قاریشیب شکلینه گؤزومدن آخان

یاغیشی، سئللری اونودام گرک!

سینمده پشیمان اؤره گیم قالدی

اوچدون اللریمده لعلگیم قالدی

نه لری ایتیریب، باخ نه ییم قالدی

نه لری، نه لری اونودام گرک!

بو شعری یازان: " نصرت کسمنلی"