ایلر ایلر

یالاننان یاشاماق یالاننان گولمک

بیر عؤمری یاندیریب کؤل ایلرایلر

هر کسین باشینا نه گلسه بلا

یالان دانیشماقدان دیل ایلرایلر

قوهوم قارداشیننان اوتان ساواشما

اؤزوننن کؤسننن گئدیب باریشما

حاققیوا قانع اول حاققا دولاشما

یارادان بؤیوکدی بول ایلرایلر

یالتاقلیق ایلییب آرا قاتماقا

ناحاقدان دانیشیب حاققی آتماقا

ائلین آراسیندا حورمت ساتماقا

اینسانی یولوننان پول ایلرایلر

"باخیش" سؤزلرینی هر کسه دئمه

نامردین الیننن دوز چؤرک یئمه

کیملر دوزه بیلر سن چکن غمه

تؤکولر گؤزیاشی سئل ایلرایلر.

بو شعری یازان: رضا"باخیش"