داغلار

نه زاماندیر گلنمیرم
قوجاغیندا گزم داغلار
ایللر بویو حسرتیندن
آلوولانمیش کؤزم داغلار

آیری دوشوب وطنیمدن
کئچن کئچمیش اؤتنیمدن
بویا باشا یئتنیمدن
حسرت باخیب دؤزوم داغلار

بو شهردن یورولموشام
توز تورپاقدان بوغولموشام
قوجاغیندا دوغولموشام
اولماز سندن بئزم داغلار

نه اولار کی اته یینده
چوبانلارین توته یینده
آریلارین پته یینده
گول چیچکدن سوزم داغلار

یولوم دوشوب اوزاقلاردان
دورنا گؤزلو بولاقلاردان
گؤی مئشه لی او داغلاردان
«باخیشیمی» اوزم داغلار


ریضا ‌‌‌"باخیش"
1395/04/28