من سنین دردینی نه جور داشییم

من سنین دردینی نه جور داشییم

آخئ قوللاریمدا ساواش ایزی وار

دوغودا ناللانان کهر آتلی نین

آتینین گؤزونده قان دنیزی وار

داشییم دردینی آپاریم هارا؟

قوللاری بوینوما ساریشان وطن

نه دندی ساچلارین بورونوب قارا

بیر بئله غم کدر نه دندیر ؟ نه دن؟

آپاریم دردینی یاشادیم نئجه؟

هله سن اؤزوندن دوغولمالیسان

بویلانا- بویلانا دان سؤکولونجه

اؤزون اولمالیسان،سن اولمالیسان

بو گئجه دردینی اودا بیلمیرم

باخیشی قابارلی شاعیر یولداشیم

 دردینی – دردیمه قاتا بیلمیرم

اونوت گؤزلرینی قوی ساغینلاشیم

سنی سسله ینده دوداغیم یانیر

بوغولور ایچیمده هاراییم هاییم

بو یولون دومانلی باخیشلاریندا

من سنین دردینی نه جور یاشاییم