ازشاعرافتخارکاغذکنان محمدباقرخلخالی ازکتاب ثعلبیه .که اشاره به حدیث :من مات غریبافقدمات شهیدا.که انسان متعلق به عالم علوی است....

 بلی هرکیمسه اولسا آسمانی               بیلیر غربت اوزینه بوجهانی

بو بئش گون عومره قیلماز استقامت         بویئرده ائیلمز قصد اقامت

غریبانه گزر پیوسته محزون                     وطن شوقینده، حیران مثل مجنون

جهانین سیرینه هرگز گوز آچماز               بیریسیله دئمز، گولمز، دانیشماز

یومار گوز گلشن وسرو سمندن                دئمز بیرکلمه سوز الّا وطندن

دگول نیک و بد دنیایه دربند                      اولور هرنه قضادن گلسه خرسند

چکر هر لحظه مین آه پیاپی                     نیستاندان نئجه کیم آیریلیر نی

دوشر چون خاطرینه یارویولداش                 گلر فریاد وافغانه توکر یاش

خیال ائیلرنه ائیلرموسم گل                       قفس ایچره قانادی باغلی بلبل

اونون چاتماز الی چون لاله زاره                   قفسدن گولشنه ائیلر نظاره

اوساعت کیم،خلاص اولدی قفسدن          اوچار سمت گلستانه هوسدن

دگل قارداش وطن مصر و خراسان          وطن بیریئردی اولماز شرحی آسان

وطن بیرشهر دور فوق سماوات                قانادین باغلیوب لیکن قیودات

تلاش ائت آچ قانادون ائیله پرواز              گئدیب اول یار و یولداشونله دمساز

سنون یئرده نئجه دوتموش قرارون             اولار گوگده چکللر انتظارون

قالیب یئرده خراب ائتمه اوزووی              بوقوخموش جیفیه تیکمه گوزووی

 خلاصون همتوندن مسئلت قیل             گئدیب اوز شهرون ایچره سلطنت قیل

بو موطندور که اولموش حی ایمان             نه تبریز و نه طهران و نه کرمان

بو شهرین بیل گینن ای مرد آگاه                  وزیری عشقدور سلطانی الله

بوشهرین کسبینی گرائیله سون فیکر         متاعی حقدور سرمایه سی ذکر

دایانما آچگیلان همّت قانادین                      گلیب پروازه تحصیل ائت مرادون

خبرآلسان ندیر اسباب تحصیل                     دئیوم تاائتگیلن امروندَ تعجیل

 سنی بئش زاد ائدر باللهی کامل          وجودون اولسا بو بئش امره شامل

 بیری عُزلت، بیریسی لیل قایم                داخی جوع و سکوت و ذکردایم