پنجره ندن پرده دوشه، یاتاقیندا سنه باخام. ایندی نئدن...

پنجره ندن پرده دوشه،
یاتاقیندا سنه باخام.
ایندی نئدن سینیب شوشه،
کیم داش آتیب؟ من کی یوخام..

گوستر اوپوم اللرینی،
یاناغین‌دا سئللرینی.
خومار گوزلوم، تئللرینی
کیم اوینادیب؟ من کی یوخام..

مندن گلن "یوخ" خبری
خاطیرئنده اکلیل یئری؟
آلبومداکی شئکیللری
کیم اویادیب؟ من کی یوخام..

دویدوم قاپینی آچاندا،
هر یاناقیم بیر اووجوندا.
یاستیقینین باش اوجوندا
کیم دایانیب؟ من کی یوخام..

هر واخت گئلنده خوشونا،
باتار گوزونون یاشینا.
پروانه کیمی باشینا
کیم دولانیب؟ من کی یوخام..

اوزومه باخمیر دالغالار،
ساحل بویو قاقاییلار
دانیشیرلار - "بیر گوزل وار-
هاوالانیب". من کی یوخام..