بیر ایکی بیزیمکی

بیرگون مدرسه نین حیطینده ایدمان (ورزش) زنگینده، ایدمان اؤیرتمن اوشاقلاری بیر یئره توپلاییب باشلادی

بیزه بیر نئچه حرکت گؤسترمه یه. بیزده اونولا بیرلیکده باشلادیک او حرکتلری ائتمه یه.

اؤیرتمن خانیم قوللارین آچیب و باغلاییردی و یوخاری آشاغی آپاریردی. و هر حرکتی بئله جه ده ساییردی :

یک...دو...سه... بیزده ،یک...دو...سه   دئییب داوام ائدیردیک.

بیرده ن اؤزومه گلیب فیکرلشدیم : آخی بو نه دئمک؟! نیه یک، دو، سه ؟!

مگر بیز فارس اوشاقیق ؟! مگر بیزیم اؤز دیلیمیز یوخدو؟!

اؤیرتمن خانیم ساییریدی...

سسیمی قالدیریب اوجادان قیشقیردیم : بـیـــر...ایکـــی...اوچ... ، بـیـــر...ایکـــی...اوچ...

اوشاقلاردا هیجانا گلیب ، سانکی بیر ایتیرمیش شی ای تاپیب ، سئوینیب منیم له تکرارلادیلار : بیر، ایکی،

اوچ...

هامینین اوزو گولوردو. و سانکی داها مجبوریت له بو ایدمان حرکت لری ائتمیردیلر! چونکی بو شیرین دیل

هامیا نشاط وئریب و هامینی گوجلندیردی. حرکتلری سوورتله ائدیب و بیر ایکی بیزیمکی شعیری اوخویوردوخ.

آرخادان باخان دیگر اؤیرتمن لر درین فیکره گئدرکنبیرتبسم له بیزه باخیردیلار.

داها اؤیرتمنین یک، دو، سه  سسی گلمیـــردی ...

                   بیر ایکی ، بیزیم کی             اوش دؤرت ، قاپینی اؤرت

                 یئددی سگگیز ، فیرنگیز         دوققوز اون ، قیرمیزی دون