شعرترکی کارگر

کارگر

سنی آللاه یارادیب چوخ الله شیب آز ییه سن !؟

گوزؤن آغلار دولانیب دنیا بویی گولمییه سن !؟

سحر آخشام چالیشیب گوز یاشی تک  تر توکه سن !

نه روادیر کی اوزون هئچ ثمرین گورمییه سن !

بوگوزل قایدا دگیل تحمیل اولوب کارگره

کی جانوننان گئچه سن ایشدن الون چکمییه سن

اوزون هئی ایشلیه سن آمما یئمه کدن قالاسان

گور اولان سوزدی نفس چکمییه سن ئولمییه سن؟

ده گورم آی جان الینن زاراگلمیش به ماریم(بیماریم)

هانسی مکتبده یازیبلار بوقدر اینجییه سن

سنده من تک یازیق اولدون ولی ایش گلدی بئله

آدووی فهله قویؤبسان گرک هئی ایشلییه سن !؟

گئجه شیرین یوخولار بالدی سنه اولدی زهر

زندگون اولدی هدر گر بیله سن بیلمییه سن

آیلیقون دوختورا یا بورجا گئدیر یا کرایا

سنه قسمت یازیلیب دنیا کئفین گورمییه سن

الؤوین پینه سی هر قلبیده بیر اوخدی ولی

فلکین رحمی یوخی سن قارا گون نئیلییه سن

گورمه دیم بیر گئجه سن تختیده راحت یاتاسان

دردو غمنن قوتاریب ساغ سولؤوا دونمییه سن

ایش کی یوخ قا متووی غصه اییب من بیلورم

روحون آتشده یانیر گر دوزه سن دوزمییه سن

دئدیلر ایش قولوون قووه سیدی ایشله هله

تا گورنلر دئمه سون یوخدی پولون خژلییه سن

اوره گون چوخ خوشیدی بیر یارادان واردی سنی

ولی افسوس کی نفس یوخدی اونی سسلییه سن

آخی بس چاره نه دیر هانسی طبیبی گتیریم

کی بیر آز قابیل اولا دردؤوی سن سویلییه سن

دئدی دردیم چوخ اولوب باغلی شفاعت قاپوسی

کاش اولا حضرت علی موشکیلی بیر بیر دییه سن

صبریلن حالوا پیشه باغلا امید سن قورادان

اوچولار ظالم ائوی سنده گرک گوزلییه سن

دوزدی مظلوم یارادیر ظالمی دنیاده بلا

ولی قرآن دا دئییر حققی گرک ایستییه سن

"زاهد" ال چکمه خدا دن قلم آل میدانا گل

گرچه ظالم دیکه لیب حققی اونا وئرمییه سن