بوگئجه بیرگئجه دیر

بوگئجه بیرگئجه دیرتانری منه آغلییاجاق

قان گوزیندن آخاراق،قلبینی غم داغلییاجاق

بوگئجه هئچ بیرآغاج آللاها باش اییمییجک

ساوالان دا اوتانیب ، قامتین  آلچاغلییاجاق

بوگئجه غم گئجه سی،بیراولوماتم گئجه سی

بایقوشون ناله سینه،قوزقون اوزون چاغلییاجاق

بیریابانجی بوگئجه نازلی اهورا اولاجاق

اهرمن لر یاباسی سینه می جیرماغلییاجاق

بوگئجه سام یئلی خفدن اسجک سئوگیمیزه

کؤنولیمین باغچاسینادرد و کدر راغلییاجاق

یئنی میدانه گلیب اسگی نظردن دوشه جک

یار منی سایمییاراق اوزگییه باش ساغلییاجاق

بوگئجه بیرگئجه دیرفرهادی شیرین آتاجاق

تزه   خسرو  تاپاراغ  عهد  وفا  باغلییاجاق

منیله باغلادیقی عهدی یادیندان چیخاجاق

آیری دوشمک سندین یارگئجه بارماغلییاجاق

بوگئجه بیرگئجه دیر یوخسولی وارلی سیخاجاق

سئوگیلین الدن آلیب غملی قهر تاغلییاجاق

بوگئجه بیرگئجه دیر سئوگیلیمین طوی گئجه سی

منی تعریف ائیلیین دشمنی یالتاغلییاجاق 

بوگئجه اسگی فلک کونلومی اعدام ائدجک

قورتاریب مرمی لری سونرادا قونداغلییاجاق

بوگیجه دیل یاراسی اوخ یارسیندان پیس اولار

نه طبیب هانسی حکیم دیل یاراسین باغلییاجاق

   بوگئجه «سامی» غزل یازماقی مرحم گورجک  

قلم  عصیان  ائیلییب دفتری  زای واغلییاجاق