سئوگیم منی یادا سالمیر

سئوگیم منی یادا سالمیر
اورک یانیر اودا داغلار
حالسیزام یامان چاغمدی
یئتیش اوزون دادا داغلار


زهر قاتدی بال دادیما
یئتیشن یوخ امدادیما
های ورن یوخ فریادیما
هارای ور فریادا داغلار



گلیم اؤردا قوروم دئیه
توستو لنیم گدیم گویه
هش دمیسن آخی نیه
توشولمشم کولا داغلار


یالقیزام حالیم چاشیبدی
یارمنن اوزاقلاشیبدی
دومان داغلاری آشیبدی
یوخدو سنده گومان داغلار


یالقیز احمد آنا دیلیم
پارچالانیب دیلیم دیلیم
هانی وطن ؟ هانی ائلیم
گوچوب گئدیب هارا داغلار