کیم یازیبدیر بُلـبُله ؟ جور زمستان یاخشیدیر

کیم  یازیبدیر  بُلـبُله ؟ جور زمستان یاخشیدیر

عاشقه اَلبَـــتّده کی باغیـلَه  بُستان  یاخشـیدیر

جور هجران  دَردینَـه  دؤزمک چَتیـندیر نازنین

چاره سیـزلَر دَردینـَه دَرمـانِ  جانان یاخشیدیر

پیلتَه تک یانـماق  کؤنول رُسـوا  ائدَر هر عاشقی

جانیمی بَذل ائدمَـگَه ، جانانه  وولکان یاخشیدیر

هَر دایاز  یئـردَه  تاپیــلماز  دُرّ  گـوهَـر  عارفـا

پُر بَـها گـوهَـر  گَزَن  غواّصـَه  عُـماّن  یاخشیدیر

واعضان تَکـفیر ائدنـدَن تَرک مســجّد ائیله دیم

گوشه ای میخـانَه دَه  ایمـان مَستان   یاخشیـدیر

تئللَرین کؤنلوم کیمین گؤردوم پَریشان ائیلَه ییب

یاریمین  رُخساریـنَه  زلـف  پَریشـان  یاخشیدیر

حاجیلَر  قُربان  کَسلّلَر  ایلــدَه  بیر  یؤل  کعـبدَه

گَر وئرَم جانانَه قُربان گوندَه مین جان یاخشیدیر

یار فراقیندا قوتارسا (دهقانیــــن ) گؤز یاشلاری

لَعلِ  تَک  گؤزدَن  اَلنسَه  هرزمان قان یاخشیدیر