قاره گوزلرون

دنیزمثالی قلبیمه ، جالاندی قاره گوزلرون

بلای عشقه عاقبت ،سالاندی قاره گوزلرون

خدنگ عشقون ای گوزل ،آلیبدوراختیاریمی

منیم یارالی قلبیمی ،یاراندی قاره گوزلرون

افق مثالی صورتونده ،واردی بیر دان اولدوزو

دوشنده نوری قلبیمه ،اویاندی قاره گوزلرون

گورم جمال ماهیوی ، سائل سایاق اوتورمیشام

قراریمیزده چاتمادی ، یوباندی قاره گوزلرون

بلالی قلبمی سنون  ،باخیشلارون الوولادیر

 قالان بو نیمه جانیمی ،الاندیرقاره گوزلرون

دوشوب شکار عشقیوه ، بو خسته جانیم ای گوزل

ندن آلاندا جانیمی ، بولاندی  قاره گوزلرون

محبتیله باخما سون ، بهار عمر خزان اولار

توکندی صبری کونلومین ،دولاندی قاره گوزلرون

رقیبه باخما قورخورام، باخاندا کونلو قان اولا

یه شاخمار ایلان کیمی ،چالاندی قاره گوزلرون

بلای عشقه غرق اولان ،چاتار منای عشقینه

منای عشق باقری ، هایاندی قاره گوزلرون