آتابابالاریمیزدان آدام حاققیندا 70 حیکمتلی سؤز:

آتابابالاریمیزدان آدام حاققیندا 70 حیکمتلی سؤز:

• آدام وارکی آداملارین نقشی دیر.
• آدامسیزلارین دا ، آدامی وار.
• آداما سؤزو بیر دفعه دئیرلر.
• آدامین قیمتین ، آدام بیلر.
• آدام اوتانماسا ، اویناماغا نه وار؟
• آدام گرک ایشیق گلن یره بارماق اوزاتسین.
• آدامی دیندیر، سونرا قیمت وئر.
• آدامی سؤزوندن توتارلار.
• آدام اؤزوندن تعریف ائله مز.
• آدام وارکی دیلی ایله پول تاپار.
• آدامین اؤز امه یی.
• آدامین گرک دیلی ایله اوره گی بیر اولسون.
• آدامین یاخشیسی ، ایشده بللی اولار.
• آدامین یئره باخانی، سویون ، لام آخانی.
• آدام ییخیلا- ییخیلا ، اؤرگه شر.
• آدام آدامی بزه مز –آدامی ، آد بزه ر.
• آدام دانیشا، دانیشا ، اونس تاپار.
• آدام ، آدام اتی یئمز.
• آدام آدامین رحمانی –آدام آدامین ، شیطانی.
• آدامین یاواسی یا طبیل چالار ، یا پهلوان اولار.
• آدام وارکی آدی واردی اؤزو ، یوخدو.
• آدام ، آداما بنزر.
• آدام اؤز جانینی چوخ ایستر.
• آدام اؤز عیبینی ، بیلمز.
• آدام یورقانینا گؤره قیچین اوزالدار.
• آدام ، بیر آجیینده ، بیرده گیجیینده اؤزون ساخلار.
• آدام ، بیر دفعه آللانار.
• آدام ایکی دفعه دونیایه گلمز.
• آدامین سؤزو بیر اولار.
• آدام گرک بارماغین هر دلیگه اوزاتماسین.
• آدام وار باشینا تؤکرسن گوللر   ،    آدام وار گؤزونه سوخاسان ، میللر.
• آدامی تانیماق اولماز.
• آدام قوش کیمی دیر –بیر گون بوردا ، بیر گون اوردا.
• آدامی ، پولا ساتمازلار!
• آدامین عقلی ، باشیندا اولار –یاشیندا اولماز.
• آدام ، آدام سایه سینده آدام اولار.
• آدام ، آداما گرک دیر.
• آدام ، الینه بیر دفعه داغ باسار!
• آدامی ، آدام ائله ین پارادیر ، پاراسیز آدامین اوزو قارادیر.
• آدامی ، تانیین یرده قورد یئسین.
• آداملیق پول ایله دگیل کی ، بازاردان آلاسان.
• آدام مین آجینی ، بیر شیرین خاطیرینه اودار.
• آدامی ایمان ، آرینی ، دومان یولا گتیرر.
• آدامدان ائششک اولماسا ، ائششگین بیری یوزمین تومن اولار.
• آدام بیلمیر هانسی سازووا ، اویناسین.
• آدمین دینمزیندن قورخ.
• آدامین دوستلوغو دار گونونده بیلینیر.
• آدامین اؤز یاوان چؤره گی ، اؤزگه نین پیلوووندان یاخشی دیر.
• آدام اؤز تانریسینا ، داش آتماز.
• آدامین مین گؤزه للیگی اولونجا ، بیر شانسی اولسون.
• آدامدا صفت لازم دی.
• آدام اولماغینا ، چوخ قالیر.
• آدام اودور ایلقاریننان دؤنمه یه.
• آدام ایسته سه ، داغی داغی اؤسته قویار.
• آدام گرک آرخاسیز اولمایا.
• آدام اولمایان یئرده ، بیر آدام دیر.
• آدام اؤز تای توشیله گزر.
• آدام اؤله نه جه ، خام دی.
• آدامی پالتاریله تانیمازلار.
• آدام ، سؤزونو ، آداما دئیر.
• آداما ، آداملیق لازیم دی.
• آدام ، سؤزونو کیمه دئسین؟
• آدامدا ، اینصاف لازم دی.
• آدام غیرت ایشله در ، دگیرمانی سو.
• آدامی دارا چکمزلر.
• آدامی عملیله تانییارلار.
• آدامی سؤزوندند توتارلار ، حئیوانی ، بوینوزوندان.
• آدامین ، آدامی گرک.
• آدامین ، آدی پیسلیگه چیخینجا ، جانی چیخسین.
• آدامین ایاغیندان چکن چوخ اولار.
• آدامین آخیر گونو خوش السون.
• آدامین باشینا هرنه گلسه، دیلیندن گلر.