درباره من

داریخدیم
بیر آخشام چاغیندا اورَگیم دولدی
غملر اورَگیمده داشدی داریخدیم
بیر غربت دیاردا؛ غریب بیر یئرده
خیاللار گئچمیشه آشدی داریخدیم
اورَکلر گؤرهسن نییه داش اولدی
سوینجه غم کدر ندن باش اولدی
اورَکده آغلادیم گؤزوم یاش اولدی
گؤردوم کی گؤزلریم یاشدی داریخدیم

قار آلدی اوستومو قارلی داغلاردا
دولاندیم تکجه من سولموش باغلاردا
تک قالدیم نه یامان غملی چاغلاردا
دردیمی ائشیدن قاشدی داریخدیم

باهاردا گوللریم قورودی سولدی
من نهلر ایستیردیم گؤر نهلر اولدی
اورَگیم توتولدی گؤزله ریم دولدی
قلبیمی بیرآغری ساشدی داریخدیم

شعر:محرم محمدزاده(محرم عمی)  

درج شده در تاریخ ۹۴/۱۱/۱۹ ساعت 21:24

کاربران آنلاین (1)

کاکتوس