ساباح یوخ بوروگون اسفندین ایکی سی دونیا آنا دیلی گونو

۹۳/۱۲/۰۲ - 19:51

آغ بوخاخدا خال کیمیندی...

شیرینلیکده بال کیمیندی...

آنا دیلیم آنا دیلیم

۹۳/۱۲/۰۲ - 19:54

نقل قول:
دالغا تورک سوی *******: ساغولون جوادی جنابلاری فقط بونو یازین کی شئعر اؤزوزدنییدی یوخسا باشقا شاعیردن!

البته بیر شعریلیگی یوخدور آمما هر هالدا اؤزومدندیر

۹۳/۱۲/۰۲ - 22:07

نقل قول:
ریضا میللت چی: منده سؤز وئرمیشدیم یاخشی سونوجو اولسا اؤدول وئره جم. آلیب گلدی یانیما دئدی: "دایی اؤدولو اودوزموشام، آلا بلمه دیم". منده باخیب گؤردوم بئله دی، دئدیم: "اصلی قازانان سن سن جانییییییییییییم. هله فارسی ده "نیازمند به تلاش" اولمالیییدین "

چوخ گؤزل

یاخجی دئمیسیز
اودا یاخجی نومره لر آلیب

۹۳/۱۲/۰۲ - 22:22

۹۳/۱۲/۰۲ - 23:45

ئی ییخان کونلوم ائوین، قیل حذر افغانیمدان! ائوین آباد اولا، ال چک دلی ویرانیمدان

منی مجنون ایله فرهاده برابر توتما من اولاردان دا هنرلر کئچنم جانیمدان

بیرجه گل گور نه جفالار چکیرم زولفوندن خبرین یوخدو سنین، حالی پریشانیمدان

طعن ائدیر ائل منه : ((یارین نه وفاسیز چیخدیی ؟ ای وفاسیز، دئمیرم من بونو اوز یانیمدان

سانکی باشدان-باشا بیر شعله ئ-عشقم گئجه لر شمع لر اودلانیر آهئ- دیلی-سوزانیمدان

نئیلرم من گولو، یا لاله نی انصافیم وار اونلارین هانسی گوزلدیر رخ جانانیمدان!

واحیدم، عصریمیزین ایندیکی فرهادی منم کیم منی آیری سالار خسروئ خوبانیمدان؟

۹۳/۱۲/۰۳ - 09:28

نقل قول:
دالغا تورک سوی *******: ساغول سئواد باجی بیرده عزیز دوسلاریمدان ایسته ییم بودور کی شئعری کی کامئنت ائله ییرسیز آلتیندا یازین کی بو شئعر اؤزوزدندی یوخسا باشقا شاعیردن؟!

دالغا قارداشیم

من حتما بیریندن یازسام یوز فاییز آشاغاسیندا یازارام کیمدندیر


بو اوسته کی یازدیغیم دا ائله اؤز بئیین تارتیشمالاریمداندیر

یولونوز داواملی قارداش

۹۳/۱۲/۰۳ - 10:34

سلام ریضا بی چوخ گوزل ایشدی أللیریزه ساغلیق
منده نچه واخت دان سونرا سایتدا گلرکن سیزین مساژی زی گوردوم و سئوینجله قاتیلیرام بو یاریشا..

۹۳/۱۲/۰۳ - 10:34

هئی روزیگار..!
بو نه ایشدی..!
آنام اوتوروب یانیمدا ، آنا دیلیمی ایداره لرده گزیرم...!
"علی هاواستانلی"

Hey ruzigar!
Bu ne işdi ..!
Anam oturub yanimda, ana dilimi idarelerde gezirem..!

" əli havastanlı "

۹۳/۱۲/۰۳ - 10:37

تأسوفله دونن دیرلی یولداشیمیز سایین مهندیس علیرضا فرشی بی تهراندا توتوبلار و إوین زیندانینا آپاریپلار

۹۳/۱۲/۰۳ - 11:00

نقل قول:
آرتام (علی هاواستانلی): ن دیرلی یولداشیمیز سایین مهندیس علیرضا فرشی بی تهراندا توتوبلار و إوین زیندانینا آپاریپلار

۹۳/۱۲/۰۳ - 13:14

15 گون دی بیزی آسیلی ساخلیبلار آخیردا دا جاواب ورمک یرینه توتوب سالیلار زیندانا

یازیقلار اولسون بئله بیر عدالت سیزلیگه
ننگ اولسون شوونیزمه
ننک اولسون فاشیسمه

۹۳/۱۲/۰۳ - 13:44

نقل قول:
ریضا میللت چی: قارداشیمین قیزی آلتی نی اوخویور. نئچه گون بوندان قاباق کارنامه سین آلدیغ، توصیفی دی لردا!! بوتون درس لره "خیلی خوب" آلمیشدی، ریاضی، علوم، تعلیمات ایجتماعی، قورآن و... . بیردنه فارسی نین بخانیم بنویسیمین "خوب" اولمیشدی منده سؤز وئرمیشدیم یاخشی سونوجو اولسا اؤدول وئره جم. آلیب گلدی یانیما دئدی: "دایی اؤدولو اودوزموشام، آلا بلمه دیم". منده باخیب گؤردوم بئله دی، دئدیم: "اصلی قازانان سن سن جانییییییییییییم. هله فارسی ده "نیازمند به تلاش" اولمالیییدین " دوغروداندا بیلمیرم ندن، بلکه ائله فارسی سی ده "خیلی خوب" آلسایدی هئچ یادیما دوشمه زدی، آمما بئله اولماسینا داها چوخ سئویندیم.

من ده سئویندیم بو خاطره نیزه

۹۳/۱۲/۰۳ - 17:08

نقل قول:
محمد ائلدار: من ده سئویندیم بو خاطره نیزه

یاشایین قارداش

بس منیم سئوینماغیم حاقسیز دئییلمیش، بیری ده منه تای تاپیلدی

۹۳/۱۲/۰۳ - 17:18

نه فارس دیلینی یاخشی اؤیرندیم، نه ده آنا دیلیمی یئرینه یئتیریب حاققینی اؤده دیم

فارس دیلینی زورونان اریدیب بوغاریما تؤکدولر، اؤزوم بارماغلاییب قوسدوم

آنا دیلیمی سه سئوگینن، زورونان،اؤزباشیما، آمما قایداسیز اؤیرندیم ...

منه "باز باران" اؤیرتدیلر، من آنامین "اوشدوم-آی اوشودوم"اون عزیزله ییب اؤیرندیم

**************
دالغا قارداش من دوغرودان نه فارس دیلینی یاخشی اؤیرندیم(بونا فخر ائدیرم)، نه ده آنا دیلیمده ایددالی اولا بیلدیم(البت هر زامان چالیشیرام هاااااااا)
بوردا یازیلماغا لاییق دئییلدی، آمما سیز بویوردوز منده اؤره ییمدن گلن بیر نئچه سطیر یازدیم بورا.

۹۳/۱۲/۰۳ - 23:36

نقل قول:
آرتام (علی هاواستانلی): یازیقلار اولسون بئله بیر عدالت سیزلیگه ننگ اولسون شوونیزمه ننک اولسون فاشیسمه

۹۳/۱۲/۰۳ - 23:37

bəh bəh nə qəşəh sözlər yazılıb burda

yaşayın dildaşlarım

۹۳/۱۲/۰۴ - 13:43

عزیز دوسلار بو یاریشین سونو ساباح آخشام ساعات 9 قدر دی او دوسلار کی فیکر ائله ییرلر بیلسینلر!